भैरहवा/ सिद्धार्थनगर नगरपालिका वडा - २ मा विजयादशमी, शुभ दीपावली, छठ पर्व तथा नेपाल संवत् ११४७ को अवसरमा शुभकामना आदानप्रदान कार्यक्रम सम्पन्न भएको छ।
वडा अध्यक्ष छेदीलाल श्रीवास्तवको अध्यक्षतामा उनकै निवासमा आयोजित कार्यक्रममा सहभागीहरूले एकआपसमा पर्वको शुभकामना साटासाट गरेका थिए।
कार्यक्रममा विभिन्न चाडपर्वले समाजमा आपसी सद्भाव, एकता, सहिष्णुता र भाइचाराको भावना अभिवृद्धि गर्ने विश्वास व्यक्त गरिएको थियो। साथै, विविधताबीचको एकतालाई कायम राख्दै सामाजिक सद्भाव र मेलमिलापलाई थप सुदृढ बनाउनुपर्नेमा जोड दिइएको थियो।
कार्यक्रमले स्थानीयस्तरमा आपसी सम्बन्धलाई थप प्रगाढ बनाउनुका साथै चाडपर्वलाई हर्षोल्लास र सद्भावपूर्ण वातावरणमा मनाउने सन्देश दिएको छ।
